為蜜蜂界做件有意義既事

為蜜蜂界🐝做件有意義既事

較早前，我地收到客戶要求處理一個大廈天台既蜜蜂巢。但我地唔想直接殺死晒啲蜜蜂，所以創立左Save Local Bees™ 拯救本地蜂保育計劃，決定幫呢班蜜蜂🐝搬新屋，將佢地送到本地養蜂場交俾蜂農照顧。

當日我們用左3個鐘先將差唔多四萬隻蜜蜂收集晒。係炎熱、猛烈既陽光下，個個工作人員都做到大汗搭細汗，但諗到蜜蜂可以係新既屋企繼續生活，每個人都覺得值得既。我地仲將係現場收集既蜜糖帶番公司，同每一位同事分享呢一份甜蜜。

如果發現身邊有蜜蜂巢，可以隨時聯絡我地架😉

購買本地蜂蜜．支持「拯救本地蜂」